BIM upplýsingatækni

BIM er skammstöfun fyrir enska hugtakið Building Information Modelling sem á íslensku hefur verið þýtt sem upplýsingalíkön. Í BIM ferli er hugsunin sú að byggja stafrænt ásamt því að auka gæði gagna og auka aðgengi að þeim. BIM er byggt upp á og styðst við þrívídd sem eykur áreiðanleika upplýsinga miðað við hefðbundin tvívíð gögn. Með því að styðjast við BIM og önnur stafræn verkfæri er mögulegt að hagræða og betrumbæta ýmsa verkferla sem unnir eru í ferli framkvæmda. Með BIM og öðrum stafrænum verkfærðum næst fram:

• Auðveldari og nákvæmari magntaka
• Aukin rýni á hönnunargögnum með árekstrargreiningum
• Einfaldari samræming á milli hönnunar og framleiðslu sem einnig minnkar áhættu
• Hagræðing í framleiðslu járnbendingar með stafrænni járnbendingu og vélum sem klippa og beygja járnin
• Aukið aðgengi að verkgögnum í gegnum verkefnavefi og skýjalausnir með áherslu á skilvirk samskipti í verkefnum